سونے میں سرمایہ کاری کرپٹو کرنسی سے بھی پرکشش ،آج کا حیران کن تاریخی اضافہ

کراچی (نیوز لیب رپورٹ ) عالمی صورتحال کے باعث سونے اور چاندی میں سرمایہ کاری کرپٹو کرنسی سمیت تمام سیکٹرز کی نسبت زیادہ پرکشش بن گئی ہے،ایک ہی روز میں21 ہزار روپے فی تولہ سے زیادہ کااضافہ،آل پاکستان صرافہ جیم اینڈ جیولرز ایسوسی ایشن کی جاری کردہ رپورٹ کے مطابق بدھ کو ورلڈ گولڈ مارکیٹ میں سونے کی قیمت 211 ڈالر فی اونس کے اضافے سے 5082 ڈالر سے بڑھ کر 5293 ڈالر فی اونس کی بلند ترین سطح پر پہنچ گئی ہے،ورلڈ مارکیٹ میں مسلسل اضافے کی وجہ سے پاکستان میں بھی24 قیراط خالص سونے کی قیمت 21 ہزار 100 روپے فی تولہ کے بھاری اضافے سے 5 لاکھ 51 ہزار 662 روپے فی تولہ اور 10 گرام سونے کی قیمت 18090 روپے کے اضافے سے 4 لاکھ 72 ہزار 961 روپے پر پہنچ گئی ہے،بدھ کو انٹر نیشنل مارکیٹ میں چاندی کی قیمت 2.71 ڈالر فی اونس کے اضافے سے 114.36 ڈالر فی اونس ہو گئی ہے ،اسی وجہ سے پاکستانی مارکیٹ میں چاندی کی قیمت بھی 271 روپے فی تولہ کے اضافےسے 11911 روپے فی تولہ ہو گئی ہے ،ماہرین کا کہنا ہے کہ ڈالرکی قیمت میں مسلسل کمی اور بین الاقوامی بڑھتی کشیدگی سے سرمایہ کاروں کے لئے دھاتوں میں سرمایہ کاری محفوظ سرمایہ کاری ہے ،ابھی آنے والے دنوں میں سونے اور چاندی کی قیمت میں استحکام کی کوئی امید نظر نہیں آتی