کراچی ( نیوزلیب رپورٹ) انٹر نیشنل گولڈ مارکیٹ میں سٹے باز سرگرم،قارئین کو گذشتہ روز بھی ہم نے مشورہ دیا تھا کہ سونا اور چاندی میں سرمایہ کاری کرنے والے پریشان نہ ہوں سال 2026 کی پہلی سہ ماہی میں سونے کی عالمی منڈی میں قیمت 5 ہزارڈالر فی اونس سے زیادہ رہے گی، دریں اثنا منگل کو سونا ایک بار پھر 24 ہزار روپے فی تولہ مہنگا ہو گیا،چاندی کی قیمت بھی 741 روپے فی تولہ بڑھ گئی،آل پاکستان صرافہ جیم اینڈ جیولرز ایسوسی ایشن کی جاری کردہ رپورٹ کے مطابق انٹر نیشنل مارکیٹ میں سونے کی قیمت 240 ڈالر فی اونس کےاضافےسے4916 ڈالر فی اونس پر چلی گئی ہے ،انٹر نیشنل مارکیٹ میں اضافے کی وجہ سے پاکستان میں بھی سونے کی قیمت 24000 روپے فی تولہ کے اضافے سے 5 لاکھ 14 ہزار 362 روپے فی تولہ اور 10 گرام سونے کی قیمت20 ہزار 576 روپے کے اضافے سے 4 لاکھ 40 ہزار 982 روپے ہو گئی ہے، رپورٹ کے مطابق انٹر نیشنل مارکیٹ میں چاندی کی قیمت 7.41 ڈالر فی اونس کے اضافے سے 86.71 ڈالر فی اونس ہو گئی ہے انٹر نیشنل اضافے کی وجہ پاکستان میں بھی چاندی کی قیمت 741 روپے فی تولہ کے اضافے سے 9146 روپے فی تولہ پر پہنچ گئی ہے
