بینک اکاونٹ میں اگر پانچ لاکھ روپے ہیں تو پریشان نہ ہوں،زکواۃ کٹوتی نہیں ہو گی

کراچی ( نیوزلیب رپورٹ) زکواۃ کٹوتی، اگر بینک اکاونٹ میں آپ کی رقم 5 لاکھ سے کم ہے تو پریشان نہ ہوں ،آپ کے اکاونٹ سے زکواۃ کی کٹوتی نہیں ہو گی ، بینک ڈپازٹ ہو لڈرز کے لئے اچھی خبر ،وفاقی حکومت نے زکواۃکا نصاب 1 لاکھ 79ہزار 689روپے سے بڑھا کر 5 لاکھ 3 ہزار 529 روپے مقررکر دیا ہے ،وفاقی حکومت نے رواں ہجری سال کیلئے زکو اۃکا نصاب 5 لاکھ 3 ہزار 529 روپے مقررکیا ہے ۔ ایڈمنسٹریٹر جنرل زکو اۃکے مطابق بینک اکائونٹس میں مقررہ حد سے کم رقم پر زکواۃ کی کٹوتی نہیں ہوگی،ایڈمنسٹریٹر جنرل کے مطابق زکو ۃ و عشر آرڈیننس 1980 کے تحت ایسے بینک اکائونٹس جن میں یکم رمضان المبارک کو موجود رقم پانچ لاکھ 3 ہزار 529 روپے یا زائد ہوگی ان سے زکوۃ کی کٹوتی کی جائے گی۔ یکم رمضان المبارک جو کہ 19 فروری کو متوقع ہے۔ اس روز سیونگ بینک اکائونٹس، پرافٹ اینڈ لاس شیئرنگ اور دیگر مماثل اکائونٹس سے مقررہ نصاب یا اس سے زائد بیلنس پر زکو اۃکی کٹوتی ہو گی۔ تمام زکو ۃ کلیکٹنگ اینڈ کنٹرولنگ ایجنسیز کو ہدایت کی گئی ہے کہ وہ کٹوتی شدہ رقم فوری طور پر اسٹیٹ بینک آف پاکستان میں قائم سینٹرل زکواۃ اکائونٹ نمبر سی زیڈ ایٹ میں جمع کرائیں۔ رقم جمع کرانے کے بعد فارم ے اور بی کی کاپی وزارتِ تخفیفِ غربت و سماجی تحفظ کو ارسال کی جائے گی ئے۔واضح رہے کہ 2025 میں زکوۃ کا نصاب 1 لاکھ 79ہزار 689روپے مقرر کیا گیا تھا