کراچی ( نیوزلیب رپورٹ) پاکستانی اور بھارتی عوام کے لئے بڑی خبر ،ایک یو ٹیوب ٹیچر نے فلمی دنیا کے سپر اسٹار شاہ رخ خان کو دولت کے میدان میں پیچھے چھوڑ دیا ، جی ہاں یوٹیوب پر آن لائن ٹیچنگ سے اپنے سفر کا آغاز کرنے والے الکھ پانڈے اب انڈیاکےامیر ترین افراد میں شامل ہو گئے ہیں ، ایک معروف انڈیا ویب سائٹ کے مطابق الکھ پانڈے کی دولت میں223 فیصد کا ریکارڈ اضافہ ہوا ہے جس کے بعد ان کے اثاثوں کی مجموعی مالیت14 ہزار 510کروڑ انڈین روپے ہو گئی ہے۔ اس کے برعکس، شاہ رخ خان کی دولت12ہزار 490کروڑ روپے ہے ،شاہ رخ کی دولت میں رواں سال71 فیصد اضافہ ہوا، اور وہ پہلی مرتبہ ارب پتی افراد کی فہرست میں شامل ہوئے ہیں۔ الکھ پانڈے انڈیاکی ایڈ ٹیک کمپنی فزکس والا کے بانی اور استاد ہیں ،انھوں نے 2016 میں یوٹیوب پر آن لائن تدریس کاآغاز کیا تھا اور پھر دیکھتے ہی دیکھتے ارب پتی افراد میں شامل ہو گئے آج وہ اربوں روپے کی کمپنی’’فزکس والاکے بانی و سربراہ ہیں۔ ان کی یہ کامیابی اس بات کا ثبوت ہے کہ علم، تخلیقی سوچ اور مسلسل محنت سے زندگی کو مکمل طور پر بدلا جا سکتا ہے۔ دوسری جانب، شاہ رخ خان گزشتہ۲۵؍ برسوں سے ہندوستانی فلم انڈسٹری کے سب سے نمایاں اداکار سمجھے جاتے ہیں۔ اور ایک ویب سائٹ نے حال ہی میں انہیں پچھلی دو دہائیوں کا سب سے بڑا ہندوستانی اداکار قرار دیا ہے،انڈین میڈیا کے مطابق انڈیا میں اس سال 58 نئے ارب پتی افراد کا اضافہ ہوا ہے اور ان میںایجوکیشن ٹیکنالوجی کا شعبہ نمایاں طور پر ابھرا ہے۔
