کراچی ( نیوزلیب رپورٹ ) اسٹیٹ بینک بورڈ نے نئے کرنسی نوٹوں کے ڈیزائن کی منظوری دے دی ہے ،تاہم نئے ڈیزائن کے نوٹ عید پر دستیاب نہیں ہوں گے،گورنر اسٹیٹ بینک جمیل احمد کا کہنا ہے کہ ملک میں جلد 10 روپے سے لے کر 5 ہزار روپے تک نئے ڈیزائن کی کرنسی دستیاب ہو گی ، نئے نوٹوں میں جدید سیکیورٹی فیچرز شامل کیے گئے ہیں تاکہ جعلسازی کی روک تھام ممکن بنائی جا سکے۔نئے کرنسی نوٹوں کے فیچرز جدید ترین ہیں، عام آدمی ہی بتادے گا کہ نوٹ اصلی ہے یا جعلی ہے،اسٹیٹ بینک نے نئے کرنسی نوٹوں کے ڈیزائن کی منظوری کے بعد یہ معاملہ وفاقی کابینہ کو بھجوا دیا گیا ہے۔ نئے ڈیزائن کی کرنسی سے متعلق حتمی فیصلہ وفاقی کابینہ نے کرنا ہے، وفاقی کابینہ کی منظوری کے بعد نئے نوٹ کی پرنٹنگ اور مناسب اسٹاک کے بعد ان کا اجرا ء ہو گا اور اس میں ابھی وقت لگے گا
