کراچی ( نیوزلیب رپورٹ)سونے اور چاندی کی قیمت میں اضافے کا سلسلہ تھم گیا، اچانک بڑی کمی،سونے کی قیمت 5500 روپے فی تولہ اور چاندی کی قیمت 332 روپے فی تولہ گھٹ گئی آل پاکستان صرافہ جیم اینڈ جیولرز ایسوسی ایشن کے مطابق عالمی مارکیٹ میں سونے کی قیمت 55 ڈالر فی اونس کی کمی سے 4533 ڈالر فی اونس سے کم ہو کر 4478 ڈالر فی اونس پر آگئی ہے ،عالمی مارکیٹ میں کمی کے باعث ہی مقامی مارکیٹ میں بھی 24 کیرٹ خالص سونے کی قیمت5500 روپے فی تولہ کی کمی سے 4 لاکھ 70 ہزار 162 روپے فی تولہ اور24کیرٹ خالص 10 گرام سونے کی قیمت4715 روپے کی کمی سے 4 لاکھ 30 ہزار 88 روپے ہو گئی ہے،مارکیٹ میں24 کیرٹ خالص چاندی کی قیمت 332 روپے فی تولہ کی کمی کے بعد8075 روپے فی تولہ پر آگئی ہے
