کراچی ( نیوز لیب رپورٹ )سوشل میڈیا پلیٹ فارم ، پاکستان میں، فیس بک، سرفہرست ،10 کروڑ 16 لاکھ پاکستانی فیس بک استعمال کرتے ہیں ،سرکاری ادارے پاکستان ٹیلی کمیونیکشن اتھارٹی( پی ٹی اے )کے جاری کردہ اعداد و شمار کے مطابق پاکستان میں سوشل میڈیا صارفین کی تعداد تیزی سے بڑھ رہی ہے ، ملک میں مجموعی طور پر مختلف سوشل میڈیا ایپس استعمال کرنیوالوں کی تعداد 51 کروڑ 61 لاکھ سے تجاوز کر چکی ہے ،پی ٹی اے اعدا دو شمار کے مطابق ملک میں 10 کروڑ 16 لاکھ صارفین کے ساتھ فیس بک سر فہرست ہے ،دوسرے نمبر پر یوٹیوب ہے ،جسے استعمال کرنیوالے پاکستانیوں کی تعداد 9 کروڑ 66 لاکھ 60 ہزار ہے، رپورٹ کے مطابق 9 کروڑ 17 لاکھ پاکستانی واٹس ایپ استعمال کرتے ہیں جبکہ 9 کروڑ 3 لاکھ اکا ونٹس کے ساتھ ٹک ٹاک چوتھا مقبول سوشل میڈیا پلیٹ فارم ہے،پاکستان میں اسنیپ چیٹ کے پاکستانی صارفین کی تعداد 7 کروڑ 9 لاکھ 80 ہزار، انسٹا گرام صارفین کی 4 کروڑ 99 لاکھ ہے ، جبکہ ایکس پر پابندی کی وجہ سے اس کی تعداد سب سے کم ہے اور ایک کروڑ 53 لاکھ صارفین ایکس استعمال کرتے ہیں ،تاہم اہم بات یہ ہے تمام اہم سیاسی شخصیات ایکس کا پلیٹ فارم استعمال کرتی ہیں
