کراچی ( نیوزلیب رپورٹ)معروف بالی ووڈ اداکار سلمان خان اپنے والد کی صحت سے متعلق اپ ڈیٹ دینے پر ممبئی کے معروف ہاسپٹل کے ڈاکٹرز سے ناراض ،میڈیا رپورٹس کے مطابق سلمان خان کے والد سلیم خان جو کہ 17 فروری کو ممبئی کے معروف لیلا وتی ہاسپٹل میں لائے گئے تھے ،ہاسپٹل کے ڈاکٹرز نے ان کی صحت سے متعلق میڈیا کو اپ ڈیٹ دیتے ہوئے بتایا کہ ان حالت مستحکم ہے تاہم انھیں وینٹی لیٹر پر شفٹ کیا گیا ہے ، ہاسپٹل کی جانب سے میڈیا کو معلومات فراہم کرنے پر سلمان خان اور ان کا خاندان ناخوش ہے ۔ اہلِ خانہ نے اسپتال انتظامیہ سے درخواست کی ہے کہ آئندہ سلیم خان کی صحت سے متعلق کوئی بھی معلومات عوامی سطح پر جاری نہ کی جائیں اور خاندان کی رازداری کا احترام کیا جائے۔اسپتال انتظامیہ نے مبینہ طور پر خاندان کی خواہش کا احترام کرنے کی یقین دہانی کرا دی ہے ، 90 سالہ سلیم خان جو کہ بھارتی فلم انڈسٹری کی ایک نمایاں شخصیت ہیں اور ان کی صحت سے متعلق خبر سامنے آتے ہی مداحوں اور فلمی شخصیات کی جانب سے تشویش اور نیک تمناؤں کا اظہار کیا گیا،میڈیا میں یہ خبریں بھی گردش کر رہی ہیں کہ سلمان خان کے والد سلیم خان آئی سی یو منتقل ہو گئے ہیں جس سے ان کے چاہنے والے پریشان ہو ئے ہیں دوسری جانب سلمان خان کے والد اور مشہور اسکرین رائٹر سلیم خان کی صحت سے متعلق اہل خانہ نے بھی اب تک کوئی بیان جاری نہیں کیا ہے،لیکن بھارتی میڈیا کے مطابق سلیم خان کے دماغ کی شریان پھٹ گئی ہےاسی وجہ سے وہ وینٹی لیٹر پر ہیں
