کراچی ( نیوز لیب رپورٹ ) والدین کے لئے اچھی خبر، سندھ حکومت نے اسکول وینز کو کرائے نہ بڑھانے کا حکم نامہ جاری کردیا ، وزیراعلیٰ سندھ مراد علی شاہ کی ہدایت پر تمام سرکاری اور نجی اسکولوں کو مراسلہ جاری کردیا گیا ہے، سندھ حکومت نے طلبہ کے پک اینڈ ڈراپ ٹرانسپورٹ فیس میں اضافے پر پابندی عائد کردی اور ٹرانسپورٹ چارجز برقرار رکھنے کی ہدایت کی ہے۔وزیر اعلیٰ سندھ کی ہدایت پر ڈائریکٹوریٹ آف انسپکشن اینڈ رجسٹریشن پرائیویٹ انسٹی ٹیوشن اسکول ایجوکیشن ڈیپارٹمنٹ سندھ کی جانب سے تمام پرائیویٹ اسکولز کو مراسلہ جاری کر دیا گیا ہے جس میں کہا گیا ہے صوبائی حکومت کی جانب سے ٹرانسپورٹ آپریٹرز کو سہولیات فراہم کرنے کا فیصلہ کیا گیا۔ تمام تعلیمی اداروں کو جاری احکامات میں کہا گیا ہے طلبہ کی پک اینڈ ڈراپ سروسز کا مکمل ڈیٹا فراہم کیا جائے تمام وینز اور ٹرانسپورٹ سروسز کی تفصیلات حکومت کو جمع کرائی جائیں،۔مراسلے میں کہا گیا ہے کہ سندھ حکومت کی جانب سے طلبہ کی پک اینڈ ڈراپ ٹرانسپورٹ فیس میں اضافے پر پابندی عائدپرائیویٹ اسکولزکی جانب سے چلنے والی ٹرانسپورٹ پر کرایہ بڑھانے کی اجازت نہیںایندھن کی قیمتوں میں اضافے کے باوجود طلبہ ٹرانسپورٹ چارجز برقرار رکھے جائیں ،حکومت یہ چاہتی ہے کہ والدین پر اضافی مالی بوجھ نہ ڈالا جائے مراسلے میں کہا گیا ہے ان احکامات کی پابندی لازم ہے خلاف ورزی کی صورت میں کارروائی کی جائے گی ،دوسری جانب والدین کا موقف ہے کہ بیشتر اسکول وینز نے اپریل کی فیس اضافی چارجز کے ساتھ وصول کر لی ہے ،اس کے باوجود یہ وینز مالکان حکومت سے سبسڈی بھی حاصل کر لیں گے ،حکومت اس کرپشن کو روکنے کے لئے بھی میکنزم بنائے
