کراچی ( نیوزلیب رپورٹ ) سندھ کابینہ ، ملیر میںصحت کی سہولتیں بہتر بنانے کے لئے حسن سلیمان میموریل اسپتال سے منسلک نرسنگ اسکول کے قیام کا فیصلہ ، کابینہ نے اسکول کے لیے 4 ایکڑ سرکاری اراضی الاٹ کرنے کی منظوری دے دی،حسن سلیمان میموریل اسپتال کے لیے 7.6 ملین ڈالر یعنی 2 ارب 14 کروڑ روپے کی منظوری، ابراہیم حیدری کے علاقے میں زیر تعمیر حسن سلیمان میموریل ہسپتال 312 بستروں پر مشتمل جدید اسپتال نیشنل ہائی وے پر شہریوں کو طبی سہولیات فراہم کرے گا، محروم اور پسماندہ آبادیوں کو انتہائی ضروری طبی سہولیات فراہم کرنےکے لئے یہ اہم منصوبہ پاکستانی نژاد امریکی ڈاکٹروں نے حکومتِ سندھ کےاشتراک سے شروع کیا ہے ، وزیر اعلیٰ سندھ اسے فلاحی جذبے اور بین الاقوامی تعاون کی ایک طاقتور مثال قرار دے چکے ہیں، اس بڑے اسپتال کا افتتاح دسمبر 2024 میں ہوا تھا اور توقع ہے کہ 2026 کے اختتام تک یہاں مریضوں کا علاج شروع ہو جائے گا ،اسپتال میں ہنگامی طبی امداد، دل کے آپریشن، اور امراضِ قلب، بچوں کی صحت، خواتین کی صحت اور ٹراما کیئر سمیت مختلف خصوصی علاج کی سہولیات فراہم کی جائیں گی، اور اہم بات یہ کہ تمام خدمات مفت ہوں گی، 2024 میں جب وزیراعلیٰ سندھ نے جب منصوبے کا افتتاح کیا تھا تو یہ وعدہ کیا تھا کہ اسپتال کے لئے موصول ہونے والے تمام عطیات کے برابر حکومت کی جانب سے بھی گرانٹ فراہم کی جائے گی
