کراچی ( نیوز لیب رپورٹ) انڈیا کی بیوریج انڈسٹری میں قائم پیپسی اور کوکا کولا کی اجارہ داری کو ختم کرنے کے لئے مکیش امبانی نے میدان میں آنے کا فیصلہ کیا ہے،اس مقصد کے لئے انھوں نےاربوں روپے کی سرمایہ کاری کاعندیہ دیا ہے ،بھارتی میڈیا کے مطابق مکیش امبانی کی کمپنی ریلائنس کنزیومر پروڈکٹس لمیٹڈ( آر سی پی ایل ) نے بھارتی بیوریج انڈسٹری میں بھاری سرمایہ کاری کرنے کا فیصلہ کرتے ہوئےآنے والے ایک سے ڈیڑھ سال میں اس شعبے میں 8 کروڑ روپے تک کی سرمایہ کاری کاامکان ظاہر کیا ہے۔
ریلائنس کنزیومر اس بھاری سرمایہ کاری کے ذریعے مارکیٹ میں اپنی گرفت مضبوط کرنا چاہتی ہے۔ کمپنی کا مقصد کو کا کولا او ر اور پیپسی جیسی بڑی کمپنیوں کی اجارہ داری ختم کرنا ہے ،میڈیا کے مطابق مطابق کمپنی اس سرمایہ کاری سے ملک بھر میں ایک درجن کے قریب فیکٹریاں لگائے گی،منصوبے میں کچھ میں دوسری کمپنیوں کے ساتھ اشتراک کا بھی فیصلہ کیا گیا ہے ،کمپنی ذرائع کے مطابق یہ آر سی پی ایل کی اب تک کی سب سے بڑی سرمایہ کاری ہوگی۔ واضح رہے کہ آر سی پی ایل نے2022 میں ریلائنس ریٹیل وینچرز کی ذیلی کمپنی کے طور پر کام شروع کیا تھا،فروری میں ریلائنس نے گوہاٹی میں ایک پلانٹ شروع کیا تھا جو مقامی کمپنی جیریچو فوڈس اینڈ بیورجیز ایل ایل پی ساتھ مل کر قائم کیا گیا ہے۔ اس پلانٹ میں سافٹ ڈرنکس اور پانی تیار کیا جاتا ہےجو شمال مشرقی علاقے کی ضروریات کو پورا کرتا ہے۔ کمپنی اب بہار میں بھی ایک اور پلانٹ لگانے جا رہی ہے۔ فی الحال کیمپا اور دیگر مشروبات کے 8 پلانٹس میں تیار کئے جا رہے ہیں ۔ یہ تمام پلانٹس شراکت داری کی بنیاد پر قائم کئے گئے ہیں یعنی ان میں ریلائنس کے ساتھ دیگر کمپنیوں نے بھی سرمایہ لگایا ہے۔
ریلائنس کنزیومر کے بیوریج پورٹ فولیو میں کئی برانڈز شامل ہیں ، جن میں کیمپا کولا، اورنج اور لیمو جیسے فلیورز شامل ہیں۔ ریلائنس کنزیومر نے سری لنکا کے سابق کرکٹر متھیا مرلی دھرن کے ساتھ شراکت داری بھی کی ہے۔ اس شراکت داری کے تحت اسپنر اسپورٹس ڈرنک تیار اور فروخت کیا جائے گا جو250ملی لیٹر کی بوتل میں صرف10 روپے میں دستیاب ہوگا۔ یہ پیپسی کے گٹوریڈ اور اسٹنگ جیسے برانڈز کے مقابلے میں کافی سستا ہے۔ کمپنی چاہتی ہے کہ مارچ 2027 تک اس کے تمام کنزیومر پروڈکٹس پورے ملک میں دستیاب ہوں۔
