کراچی نیوز لیب رپورٹ )پاکستان نے افغانستان، ایران، روس کیساتھ نیا بارٹر ٹریڈ کو آسان بنا دیا ، مختلف شرائط کو نرم کر دیا گیا ، تفصیلات کے مطابق پاکستان نے افغانستان، ایران اور روس کے ساتھ نیا بارٹر ٹریڈ فریم ورک متعارف کرو ادیا ہے۔وزارت تجارت پاکستان کی جانب سے جاری نے نوٹیفکیشن کے مطابق ان ممالک کے ساتھ بارٹر ٹریڈ کے لیے مختلف شرائط کو نرم کر دیا گیا ہے، برآمد سے قبل لازمی درآمد کی شرط نرم کر کے بیک وقت درآمد و برآمد کی اجازت دے دی گئی ہے ۔ اس کے ساتھ نجی اداروں کو کنسورشیم بنانے کی اجازت دے دی گئی ہے، بارٹر ٹریڈ کے لین دین کا دورانیہ 90روز سے بڑھا کر 120روز کر دیا گیا ہے، مخصوص اشیا کی فہرست کو ختم کر دیا گیا ہے۔ذرائع نے بتایاکہ اس کو عام ایکسپورٹ اور امپورٹ پالیسی آرڈرز کے ساتھ ہم آہنگ کیا گیا ہے، ان اقدامات سے بارٹر ٹریڈ میکنزم کو زیادہ عملی اور کاروبار دوست بنایا جا سکے گا۔پاکستان نے جون 2023 میں افغانستان، ایران اور روس کے ساتھ بارٹر ٹریڈ میکنزم نافذ کیا تھا، میکنزم کے نفاذ کے بعد اس پر عمل در آمد میں متعدد مسائل سامنے آئے تھے۔بزنس گروپس اور اسٹیک ہولڈرز نے مختلف مشکلات کی نشاندہی کی تھی، ان میں منظور شدہ اور غیر منظور شدہ مصنوعات پر قدغن کی نشاندہی کی گئی تھی، درآمد و برآمد کے لیے انتہائی محدود اشیا کی فہرست کے مسئلے کی نشاندہی کی گئی تھی۔ذرائع کے مطابق بیرون ملک پاکستانی مشنز سے معاہدوں کی تصدیق کی شرط کو نرم کرنے کا مطالبہ کیا گیا تھا، برآمدات سے قبل لازمی درآمد کی شرط کی مشکلات کی نشاندہی کی گئی تھی، کسٹمز کی منظوری کے 90روز کے اندر کھاتوں کے تصفیے کی پابندی کی نشاندہی کی گئی تھی۔ان رکاوٹوں نے تجارتی سرگرمیوں کو سست اور کاروبار کے لیے مشکلات پیدا کر دی تھیں۔ان مسائل کے حل کیلئے اسٹیک ہولڈرز سے مشاورت کے بعد اب شرائط کو نرم کیا گیا ہے جس سے امید ہے ان ممالک کے ساتھ بزنس تو بزنس ٹریڈ میں اضافہ ہو گا
