کراچی ( نیوز لیب رپورٹ) سندھ بھر میں کام کرنے والی 306 پرائیویٹ سیکیورٹی کمپنیوں اور 60 ہزار نجی سیکیورٹی گارڈز کو ریگولیٹ کرنے کا فیصلہ،اس مقصد کے لئے پرائیویٹ سیکیورٹی ایکٹ کے تحت صوبے میں رجسٹرار آفس قائم کیا جائے گا ،سرکاری ذرائع کے مطابق محکمہ داخلہ سندھ کی جانب سے نئے نافذ کردہ سندھ پرائیویٹ سیکیورٹی ایکٹ 2026 کے تحت رجسٹرارآفس کا قیام لازم ہے تاکہ صوبے بھر میں نجی سیکیورٹی کمپنیوں، تربیتی اداروں اور سیکیورٹی گارڈز کے لائسنس،نگرانی اور ضابطے کے لیے جامع قانونی فریم ورک فراہم کیا جاسکے ، یہ رجسٹرار آفس پرائیویٹ سیکیورٹی کمپنیوں کےلائسنس ، رجسٹریشن، سیکیورٹی اہلکاروں کی تصدیق، نجی سیکیورٹی کمپنیوں اور تربیتی اداروں کے آڈٹ اور معائنے اور قانون کی تعمیل یقینی بنانے کا ذمہ دار ہوگا۔ محکمہ داخلہ ذرائع کے مطابق صوبے بھر میں تقریباً 306 نجی سیکیورٹی کمپنیوں اور اندازاً 60 ہزار نجی سیکیورٹی گارڈز ہیں ،
