کراچی ( نیوز لیب رپورٹ) انٹر نیشنل گولڈ مارکیٹ میں عالمی سٹے باز سرگرم،سونے اور چاندی کی قیمتوں میں مسلسل 2 روز کےریکارڈ اضافے کے بعد ایک روز میں یکمشت تاریخ کی سب سے بڑی کمی ،آل پاکسان صرافہ جیم اینڈ جیولرز ایسوسی ایشن کے جاری کردہ نرخ کے مطابق سونے کی قیمت میں مسلسل 2 روز کے تاریخی اضافے کے بعد انٹر نیشنل مارکیٹ میں سونے کی قیمت 355 ڈالر کی ریکارڈ کمی سے 5505 ڈالر سے کم ہو کر 5150 ڈالر فی اونس پر آگئی، انٹر نیشنل مارکیٹ میں بڑی کمی کی وجہ سے پاکستان میں بھی سونے کی قیمت 35500 روپے کی ایک روزمیں ریکارڈ کمی سے 5 لاکھ 37ہزار 362 روپے فی تولہ اور 10 گرام سونے کی قیمت 30 ہزار 435 روپے کی کمی سے 4 لاکھ 60 ہزار 701 روپے پر آگئی ہے ،ایسوی ایشن رپورٹ کے مطابق انٹر نیشل مارکیٹ میں چاندی کی قیمت 11.06 ڈالر کی کمی سے 105.94 ڈالر فی اونس پر آگئی ہے جس کی وجہ سے پاکستان میں بھی چاندی کی قیمت بھی 1106 روپے کی ریکارڈ کمی سے 11069 روپے فی تولہ ہو گئی ہے ،ماہرین کا کہنا ہے اس بڑی کمی کی وجہ سے مختلف افواہیں ہیں ،اور اس طرح کی افواہیں سٹے بازوں کے سرگرم ہونے سے پھیلائی جاتی ہیں
