کراچی ( نیوزلیب رپورٹ) پاکستان کی خلیجی ممالک کوایکسپورٹ بند،شپننگ کمپنیوں نے ایکسپورٹرز کو آگاہ کر دیا ،انڈسٹری ذرائع کے مطابق ایرن اور امریکا کی جنگ سے پیدا ہونے والی صورتحال کے باعث تمام خلیجی ممالک کے لئے ایکسپورٹ اور امپورٹ بند ہو گئی ہے،شپنگ کمپنیوں نے خطے کی بگڑتی صورتحال اور آبنائے ہرمز کی بندش کے بعد مشرق وسطیٰ کا آپریشن معطل کر دیا ہے جس سے کراچی کے تمام ٹرمینل پر کارگو کی لوڈنگ کا عمل رک گیا ہے ،شپنگ لائنز کی سروس معطل ہو نے سے کاروباری برادری اور خاص طور پر ایکسپورٹرز میںتشویش کی لہر دوڑ گئی ہے ،صنعت کار اور ایکسپورٹرز اس غیر یقینی صورتحال سے پریشان نظر آتے ہیں ،شپنگ لائنز نے اپنے کلائنٹ کو ہدایت جاری کی ہے کہ نئے حکم نامے تک خلیجی ممالک کی تمام بندر گاہوں کے لئے بکنگ روک دی جائے ، اندسٹری ذرائع کا کہنا ہے کہ سیکیورٹی صورتحال بہتر ہونے پر آپریشنز دوبارہ شروع کیے جائیں گے،، شپنگ لائنز نے سمندر میں موجود جہازوں کو رفتار کم کرنے اور مزید ہدایات تک محفوظ بندرگاہوں یا آف شور لنگر انداز پوائنٹس پر انتظار کرنے کی ہدایت بھی جاری کر دی ہے ، کمپنیوں نے تمام جہازوں کو فوری طور پر مقررہ محفوظ بندرگاہوں کی طرف جانے کی خصوصی ہدایت دی ہے۔ تاہم شپنگ کمپنیوں کا کہنا ہے کہ وہ تمام کارگو کے لیے ہنگامی متبادل کا جائزہ لے رہی ہیں، شپنگ آپریشن معطل ہو نے سے خلیجی ممالک کو چاول ایکسپورٹ کرنے والے زیادہ پریشان نظر آتے ہیں ان کا کہنا ہے کہ عید کے موقع پر چاول کی بڑی مقدار خلیجی ممالک کو ایکسپورٹ ہو تی ہے ،چاول کے لوڈکنٹینر ز پنجاب سے نکل کر کراچی پہنچ چکے ہیں کچھ راستے میں انھیں بھاری نقصان کا سامنا کرنا پڑے گا،
