کراچی ( نیوز لیب رپورٹ)کافی کے شوقین افراد کے لئے خوش خبری، کینیڈا کی مشہور و معروف کافی اور فاسٹ فوڈ چین ٹم ہارٹنز نے شہر قائد میں اپنی فرنچائز کھولنے کا اعلان کر دیا ہے ،ٹم ہارٹنز فرنچائز کا افتتاح ڈی ایچ اے فیز 8 کراچی میں 12 دسمبر 2025 کو ہو گا، ٹم ہارٹنز نے پاکستان کی مارکیٹ میں 2سال پہلے انٹری ڈالی تھی اور پہلی کافی شاپ کا افتتاح فروری 2023 میں لاہور میں ہوا تھا ، اوراہل لاہور نے نے طویل قطاریں لگا کر اسے کامیابی کا سرٹیفیکٹ جاری کیا ،کینیڈین کافی اور فاسٹ فوڈ چین اس سے قبل اسلام آباد، لاہور، راولپنڈی اور پشاور میں 13 شاخیں قائم کر چکا ہے۔ٹم ہارٹنز کے اس وقت دنیا کے 13 ممالک میں 5,100 سے زائد ریسٹورنٹس موجود ہیں، جن میں امریکہ، میکسیکو، اسپین، برطانیہ، مشرقِ وسطیٰ کے ممالک، چین، تھائی لینڈ اور فلپائن شامل ہیں۔ کینیڈا کا یہ ریسٹورنٹ تیز کھانوں، ناشتہ کے متعدد آپشنز اور اسنیکس کی بھی وسیع رینج پیش کرتا ہے۔، جو ٹورنٹو میں قائم کمپنی ہے اور دیگر فاسٹ فوڈ برانڈز جیسے برگر کنگ اور پاپ آئیز کی بھی مالک ہے
