کراچی (نیوز لیب رپورٹ ) ملک بھر کے کسٹمز آفیسرز کی نمائندہ تنظیم نے سابق گورنر اسٹیٹ بینک آف پاکستان ڈاکٹر عشرت حسین کو قانونی نوٹس جاری کر تے ہوئے غیر مشروط، واضح اور تحریری عوامی معافی نامے کا مطالبہ کر دیا ہے ،کسٹمز کے سینئر افسران نے کسٹمز میں کرپشن سے متعلق لگائے گئے الزامات کو بے بنیاد اور غیر مصدقہ قرار دیتے ہو ئے کہا کہ اس نوعیت کے ریمارکس بذاتِ خود ہتک آمیز اورپاکستان کسٹمز کے افسران کی ساکھ کو شدید نقصان پہنچانے کے مترادف ہیں،تفصیلات کے مطابق کسٹمز آفیسرز ایسوسی ایشن نے ڈاکٹر عشرت حسین کے ایک بیان پر رد عمل دیتے ہوئے کہا کہ ، ایک سوشل میڈیا ویڈیو کلپ کے ذریعے گردش کر تے ہوئے بیان میں ڈاکٹر عشرحسین نے کہا کہ “100 کسٹمز افسران میں سے ہر ایک کے پاس 100 ملین امریکی ڈالر سے زائد مالیت کے اثاثے موجود ہیں، یہ بیان ” محض سنی سنائی باتوں اور قیاس آرائیوں پر مبنی معلوم ہوتا ہے، کیونکہ اس حوالے سے کوئی قابلِ تصدیق ثبوت، نام، ریکارڈ یا ایسی مثالیں پیش نہیں کی گئیں جن کی آزادانہ تحقیقات ممکن ہوں، کسٹمز آفیسرزایسوسی ایشن نے کہا کہ سابق گورنر اسٹیٹ بینک نےاپنے بیان میں ان ہزاروں افسران کی دیانتداری اور محنت کو نظر انداز کیا ہے جو مشکل حالات میں بھی ایمانداری اور مستعدی سے اپنے فرائض انجام دے رہے ،، پاکستان کسٹمز آفیسرز ایسوسی ایشن نے کہا کہ اگرچہ ہماری ایسوسی ایشن پاکستان میں عوامی پالیسی اور گورننس کے مباحث میں ڈاکٹر عشرت کی طویل خدمات اور کردار کو تسلیم کرتی اور ان کا احترام کرتی ہے، تاہم بغیر کسی ٹھوس ثبوت کے اس نوعیت کے عمومی الزامات ان سرکاری ملازمین کی ساکھ، حوصلے اور وقار کو نقصان پہنچاتے ہیں جو بدستور عزم اور پیشہ ورانہ صلاحیت کے ساتھ قوم کی خدمت انجام دے رہے ہیں۔ پاکستان کسٹمز کے افسران ایک جامع قانونی اور ریگولیٹری فریم ورک کے تحت کام کرتے ہیں اور مختلف قومی و بین الاقوامی ذمہ داریاں نبھاتے ہیں۔ گزشتہ برسوں کے دوران، اس سروس نے جدید اصلاحات اور جدت پر مبنی اقدامات کیے ہیں، جن میں خودکار کلیئرنس نظام، جدید رسک مینجمنٹ میکنزم اور ڈیجیٹل تبدیلی کے اقدامات شامل ہیں۔ ان اصلاحات سے شفافیت میں نمایاں اضافہ، صوابدیدی مداخلت میں کمی، تجارتی سہولت کاری میں بہتری اور قومی خزانے کے لیے ریونیو وصولیوں میں اضافہ ہوا ہے ،ڈاکٹر عشرت کے بیان میں۔ یہ تاثر دینا کہ 100 حاضر سروس یا ریٹائرڈ کسٹمز افسران انفرادی طور پر اتنے غیر معمولی اثاثوں کے مالک ہیں، ایک غیر ذمہ دارانہ اور بدنیتی پر مبنی مبالغہ آرائی ہے، جس کا مقصد ادارے کو منظم طور پر کرپٹ ظاہر کرنا ہے۔ اس قسم کے عمومی الزامات ان ہزاروں افسران کی دیانتداری اور محنت کو نظر انداز کرتے ہیں جو مشکل حالات میں بھی ایمانداری اور مستعدی سے اپنے فرائض انجام دے رہے ہیں۔۔ اس نوعیت کے ریمارکس بذاتِ خود ہتک آمیز ہیں اور انہوں نے پاکستان کسٹمز کے افسران کی ساکھ کو شدید نقصان پہنچایا ہے۔ ایک باوقار عوامی شخصیت ہونے کے باعث ان کے بیانات خاصا اثر رکھتے ہیں، اور ان کی تشہیر ایک اہم قومی ادارے پر عوامی اعتماد کو مجروح کرنے، ایماندار افسران اور ان کے خاندانوں کو ذہنی اذیت، سماجی بدنامی اور عوامی ہراسانی سے دوچار کرنے، اور افسران کی جانب سے اپنے قانونی فرائض غیر جانبداری اور بے خوفی سے انجام دینے کی صلاحیت پر منفی اثر ڈالنے کا سبب بن سکتی ہے۔ ایسوسی ایشن نے کہا کہ۔ یہ بیان پاکستان کے قوانین کے تحت دیوانی اور فوجداری ذمہ داری کا موجب بنتا ہے، جن میں ہتک عزت آرڈیننس 2002 اور پریوینشن آف الیکٹرانک کرائمز ایکٹ (PECA) 2016 شامل ہیں، مگر ان تک محدود نہیں۔ مزید برآں، آئینِ اسلامی جمہوریہ پاکستان 1973 کا آرٹیکل 14 ہر شہری کے وقار کو ناقابلِ تنسیخ بنیادی حق قرار دیتا ہے۔۔ پاکستان کسٹمز آفیسرز ایسوسی ایشن تعمیری تنقید کا خیرمقدم کرتی ہے اور ادارہ جاتی اصلاحات کی حمایت جاری رکھتی ہے۔ تاہم، بغیر ثبوت کے عوامی الزامات اور عمومی مذمت ریاستی اداروں پر عوامی اعتماد کو کمزور کرتی ہے اور قابل افراد کو سرکاری خدمات اختیار کرنے سے بددل کرتی ہے۔ ہم مؤدبانہ طور پر مبصرین اور عوامی شخصیات، خصوصاً ڈاکٹر عشرت حسین، سے گزارش کرتے ہیں کہ وہ ذمہ داری کا مظاہرہ کرتے ہوئے عمومی اور اشتعال انگیز بیانات دینے کے بجائے مخصوص اور دستاویزی شواہد پر مبنی معاملات کی نشاندہی کریں۔، چنانچہ ڈاکٹر عشرت حسین کو خط اور قانونی نوٹس کے ذریعے یہ کہا گیا ہے کہ وہ فوری طور پر پاکستان کسٹمز آفیسرز ایسوسی ایشن سے غیر مشروط، واضح اور تحریری عوامی معافی مانگیں، اپنے دعوؤں کے غلط ہونے کا اعتراف کریں، مذکورہ معافی کو انہی پلیٹ فارمز (بشمول ‘X’) پر اور اسی نمایاں انداز میں نشر کریں جس انداز میں اصل ہتک آمیز ویڈیو نشر کی گئی تھی، اور فوری طور پر ناشرین (نیا دور) سے رابطہ کر کے اس متنازع ویڈیو کو تمام انٹرنیٹ پلیٹ فارمز سے مستقل طور پر حذف کروائیں،
