کراچی (نیوزلیب رپورٹ) پاکستان نژاد برطانوی خاتون نے گھر میں ہی ہیروئن پروسیسنگ پلانٹ لگا دیا ،خاتون کے بیڈ روم سے 3 ارب روپے سے زیادہ کی ہیروئن برآمد ہوئی، نیشنل کرائم ایجنسی (این سی اے) کے کے مطابق 34 سالہ سدرا نوشین ایک منظم جرائم پیشہ گروہ کا حصہ تھیں جو پاکستان سے برطانیہ ہیروئن اسمگل کرتا اور اسے برطانیہ کے مختلف شہروں کوسپلائی کرتا ہے ، برطانوی میڈیا کے مطابق سدرا نوشین کو بریڈفورڈ کراؤن کورٹ نے 21 سال اور 6 ماہ قید کی سزا سنا دی ہے،میڈیا رپورٹس کے مطابق نیشنل کرائم ایجنسی (این سی اے) کے اہلکاروں کی جانب سے بریڈفورڈ میں ایک خاتون کے گھر سے اندازاً 3 ارب 25 کروڑ روپے ( 85 لاکھ پاؤنڈ ) کی 85 کلوگرام ہیروئن برآمد ہوئی۔این سی اے کے مطابق 34 سالہ سدرا نوشین ایک منظم جرائم پیشہ گروہ کا حصہ تھیں جو پاکستان سے برطانیہ ہیروئن اسمگل کرتا اور اسے ملک بھر میں فراہم کرتا تھا،ظاہری طور پر سدرہ نوشین بریڈفورڈ میں ایک عام اور غیر نمایاں زندگی گزار رہی تھی، لیکن حقیقت میں وہ ملک بھر میں بڑی مقدار میں ہیروئن سپلائی کرنے والے ایک منظم گروہ کا حصہ تھیں اوراسے پیسہ کمانے کا جنون تھا ۔این سے اے کی ٹیم نے 6 ماہ قبل برطانوی شہر بریڈ فورڈ میں واقع ان کے گھر پر چھاپہ مارا اس کارروائی کے دوران سدرا نوشین کو گرفتار کیا،این سی اے ٹیم کے مطابق گھر کا پچھلا بیڈروم ہیروئن پروسیسنگ پلانٹ میں تبدیل کیا گیا تھا۔منشیات فروش گروپ کی طرف سےچمڑے کی جیکٹس سمیت مختلف ملبوسات میں چھپائی گئی ہیروئن سدرا نوشین کے پتے پر پہنچائی جاتی تھی،جہاں وہ انھیں ایک ایک کلو کے پیکٹ میں تبدیل کرتی اور پھر انھیں آگے سپلائی کیا جاتا تھا،سدرا نوشین کے گھر پر چھاپے کے دوران تلاشی میں این سی اے نے مختلف تھیلوں میں موجود 85 کلوگرام اے کلاس منشیات برآمد کی،جس کی مالیت برطانیہ میں 85 لاکھ پاونڈ اور پاکستان میں 3 ارب 25 کروڑ کے قریب ہے ،اس چھاپے میں ، وزن کرنے کے ترازو، بالٹیاں اور دیگر آلات بھی قبضے میں لیے گئے،سدار نوشین کےفون سے حاصل ہونے والے شواہد سے معلوم ہوا کہ سدرا نوشین اور پاکستان میں موجود ایک ساتھی کے درمیان برطانیہ کو ہیروئن کی فراہمی سے متعلق سینکڑوں پیغامات کا تبادلہ ہوا تھا۔تفتیش کاروں کو یہ شواہد بھی ملے کہ وہ برطانیہ کے اندر رابطوں کو کئی کلوگرام پر مشتمل منشیات کی کھیپ فراہم کرتی تھیں اور ایک موقع پر بریڈفورڈ میں ایک مجرم سے منظم جرائم پیشہ گروہ کے لیے 2 لاکھ 50 ہزار پاؤنڈ بھی وصول کیے تھے،ان الزامات پرسدرا نوشین کو بریڈفورڈ کراؤن کورٹ میں مقدمے کا سامنا کرنا تھا،انھیں الزمات تسلیم کرنے پر سزا سنائی گئی
