کراچی ( نیوز لیب رپورٹ ) سندھ حکومت کا ریسکیو 1122 اہلکاروں کے لیے ایک بڑے فلاحی پیکج کااعلان ،سندھ کابینہ نے منگل کو وزیر اعلیٰ سندھ سید مراد علی شاہ کی زیر صدارت اجلاس میں ریسکیو 1122 اہلکاروں کے لئے ایک بڑے پیکج کی منظوری دی،کابینہ کو بتایا گیا کہ 1122 کے اہلکار اپنی جان پر کھیل کر امدادی کاروائیوں میں حصہ لیتے ہیں ،اس لئے ہنگامی امدادی کارروائیوں کے دوران جاں بحق ہونے والے اہلکاروں کے اہل خانہ کے لیے مالی معاونت کا پالیسی فریم ورک منظور کر لیا گیا ۔اس منظور کردہ فلاحی پیکج کے تحت ایک کروڑ روپے کی خصوصی گرانٹ، تین لاکھ روپے تدفین اخراجات، لواحقین کے لیے تنخواہ کے تسلسل یا ملازمت کی فراہمی کو یقینی بنایا جائے گا ،یعنی اگر خاندان میں کوئی نوکری کے قابل نہیں ہو گا تو اس خاندان کو تنخواہ جاری رکھی جائے گی ،اس کےساتھ 50 لاکھ روپے کی گروپ لائف انشورنس شامل ہوگی۔فوائد کی اہلیت کا تعین اور ادائیگیوں کی نگرانی کے لیے ایک خصوصی ویلفیئر کمپنسیشن کمیٹی قائم کی جائے گی۔ جوکہ اس پورے عمل کی نگرانی جاری رکھے گی
