لاہور (نیوزلیب رپورٹ ) پنجاب میںفلم سٹی پروگرام کے لیے 55 ارب روپے کی خطیر رقم مختص کردی گئی ہے ،منگل کووزیر خزانہ پنجاب مجتبیٰ شجاع الرحمان نے مالی سال 2026-27 کا بجٹ پیش کر تے ہوئے بتایا کہ پنجاب میں ثقافتی اور تخلیقی صنعتوں کے فروغ کے لیے فلم سٹی پروگرام متعارف کرایا جا رہا ہے،فلم سٹی پروگرام کے لیے مجموعی طور پر 55 ارب روپے مختص کرنے کی تجویز پیش کی گئی ہے،پوسٹ پروڈکشن یوٹیلٹی بلاک کے قیام پر 14 ارب 20 کروڑ روپے خرچ کیے جائیں گے، فلم انڈسٹری کے بنیادی ڈھانچے کو مضبوط بنانے کے لیے 10 ارب روپے مختص کیے گئے ہیں، فلم اینڈ میوزک اسکول کے قیام کی تجویز فلم سٹی منصوبے کا حصہ بن گئی ہے،جدید کنونشن سینٹر کے قیام کے لیے خطیر فنڈز مختص کرنے کی تجویز ہے،ایڈمنسٹریٹو اینڈ اسٹوڈیو کمپلیکس کے قیام کا منصوبہ بھی فلم سٹی پروگرام میں شامل ہے، ٹریڈ ہب اور بیک لاٹس کی تعمیر کے لیے مجموعی طور پر 31 ارب روپے مختص کرنے کی تجویز ہے، فلم سٹی منصوبہ ثقافتی اور تخلیقی معیشت کے فروغ میں اہم سنگ میل ثابت ہوگا، فلم انڈسٹری سے وابستہ افراد کے لیے جدید سہولیات کی فراہمی یقینی بنائی جائے گی۔
