کراچی ( نیوزلیب رپورٹ)انٹر نیشنل گولڈ مارکیٹ میں سونے کی قیمت ایک بار پھر 5ہزار ڈالر فی اونس کی حد عبور کر گئی،پاکستان میں فی تولہ قیمت میں 14800 روپے فی تولہ کا مزید اضافہ،آل پاکستان صرافہ جیم اینڈ جیولرز ایسوسی ایشن کے جاری کردہ نرخ کے مطابق انٹر نیشنل مارکیٹ میں میں سونے کی قیمت 148 ڈالر فی اونس کے اضافے سے 4916 ڈالر سے بڑھ کر 5064 ڈالر فی اونس پر پہنچ گئی ہے ،انٹر نیشنل مارکیٹ میں اضافے کی وجہ سے ہی پاکستانی مارکیٹ میں بھی سونے کی قیمت 14 ہزار 800 روپے فی تولہ کے اضافے سے 5 لاکھ 29 ہزار 162 روپے فی تولہ اور 10 گرام سونے کی قیمت 12689 روپے کے اضافے سے 4 لاکھ 53 ہزار 671 روپے ہو گئی ہے ،ایسوسی ایشن کے مطابق انٹر نیشنل مارکیٹ میں چاندی کی قیمت1.09 ڈالر فی اونس کے اضافے سے 87.80 ڈالر فی اونس ہو گئی ہے اور پاکستان میں چاندی کی قیمت 109 روپے کے اضافے سے 9255 روپے فی تولہ پر پہنچ گئی ہے
