کراچی ( نیوزلیب رپورٹ) ملک میں سونے اور چاندی کی قیمت تاریخ کی بلند ترین سطح پر پہنچ گئی،آل پاکستان صرافہ جیم اینڈ جیولرز ایسوسی ایشن کی جانب سے پیر کو جاری کردہ نرخ کے مطابق عالمی مارکیٹ میں سونے کی قیمت 77 ڈالر فی اونس کے اضافے سے 4509 ڈالر سے بڑھ کر 4586 ڈالر فی اونس پر پہنچ گئی ہے ،عالمی مارکیٹ میں اضافے کی وجہ سے مقامی مارکیٹ میں بھی سونے کی قیمت 7700 روپے فی تولہ کے اضافےسے 4 لاکھ 80 ہزار 962 روپے فی تولہ اور 10 گرام سونے کی قیمت 6602 روپے کے اضافے سے 4 لاکھ 12 ہزار 347 روپے ہو گئی ہے،پیر کومارکیٹ میں چاندی کی قیمت بھی 430 روپے کے اضافے سے 8895 روپے فی تولہ کی نئی ریکارڈ سطح پر پہنچ گئی ہے ،
