کراچی ( نیوزلیب رپورٹ) سونے اور چاندی میں سرمایہ کاری کرنے والوں کے لئے اچھی خبر،سونے کی قیمت پیر کو 7500 روپے فی تولہ بڑھ گئی ، چاندی 300 روپے فی تولہ کے اضافے سے بلند ترین سطح پر پہنچ گئی ،آل پاکستان صرافہ جیم اینڈ جیولرز ایسوسی ایشن کے مطابق پیر کو عالمی گولڈ مارکیٹ میں سونےکی قیمت 75 ڈالر فی اونس کے اضافے سے 4595 ڈالر سے بڑھ کر 4670 ڈالر فی اونس پر پہنچ گئی ہے،عالمی مارکیٹ میں اضافے کی وجہ سے مقامی مارکیٹ میں بھی سونے کی قیمت 7500 روپے فی تولہ کے اضافے سے 4 لاکھ 89 ہزار 362 روپے فی تولہ اور 10 گرام سونے کی قیمت 6431 روپے کے اضافے سے 4 لاکھ19 ہزار 549 روپے ہو گئی ہے، ایسوسی ایشن کے جاری کردہ نرخ کے مطابق عالمی مارکیٹ میں چاندی کی قیمت 3 ڈالر فی اونس کے اضافے سے 93.07 ڈالر فی اونس ہو گئی ہے جس کی وجہ سے پاکستان میں بھی چاندی کی قیمت300 روپے فی تولہ کے اضافے سے 9782 روپے فی تولہ کی بلند ترین سطح پر پہنچ گئی ہے
