کراچی ( نیوزلیب رپورٹ ) افریقن تربوز پاکستان پہنچ گیا، لال لال نہیں اب گولڈن زرد تربوز بھی آپ کھائیں اور خوبانی جیسے لذید منفرد ذائقے کا لطف اٹھائیں ،میڈیا رپورٹس کے مطابق زر د گولڈن یا پیلا تربوز جوکہ بنیادی طور پر افریقی پھل ہے لیکن آجکل بڑے پیمانے پریہ امریکا،اسپین،جاپان،تھائی لینڈ اور انڈیا میں بھی کاشت ہو رہا ہے ، اب پنجاب کے ضلع حافظ آباد میںاس کی کاشت کا کامیاب شروع ہو گئی ہے جدید زرعی تحقیق کے تحت زرد تربوز کی کاشت کرنے والوں کا کہنا ہے کہ تربوز کی یہ فصل مقبول ہورہی ہے،کاشتکاروں کے مطابق اس سیزن میں پہلی بارجدید اور مہنگے بیج کے ذریعے زرد تربوز کی کاشت کی گئی ہے۔ اس تربوز کی مٹھاس زیادہ، خوشبو منفرد اور ذائقہ روایتی تربوز سے مختلف ہے،یہ شہد اور خوبانی کے ذائقے سے ملتا ہے ۔کاشتکاروں کے مطابق زرد تربوز کے بیج اور اسکی کاشت پر اخراجات عام تربوز کے مقابلے میں زیادہ آئے ہیں، تاہم مارکیٹ میں اس کی طلب تیزی سے بڑھ رہی ہے جس کے باعث انہیں بہتر منافع کی امید ہے۔مقامی منڈیوں میں زرد تربوزشہریوں کی خصوصی توجہ حاصل کیے ہوئے ہے۔شہریوں نے کہا کہ انہوں نے پہلی بار اس رنگ کا تربوز دیکھا اور اس کا ذائقہ روایتی تربوز سے زیادہ منفرد اور مزیدار محسوس ہوا۔کاشتکاروں نے حکومت سے مطالبہ کیا ہے کہ جدید زرعی سہولیات، سبسڈی اور سرپرستی فراہم کی جائے تاکہ اس نئی فصل کی کاشت کو مزید فروغ دیا جا سکے۔ماہرین کے مطابق منفرد رنگ، خوش ذائقہ خصوصیات اور بڑھتی ہوئی طلب کے باعث حافظ آباد کا زرد تربوز مستقبل میں بین الاقوامی مارکیٹ تک رسائی حاصل کرنے کی صلاحیت رکھتا ہے،جو ملکی زراعت اور معیشت کے لیے بھی فائدہ مند ثابت ہو سکتا ہے۔حافظ ّآباد کے ساتھ ملک بھر کے شہری روایتی سرخ تربوز کیساتھ ساتھ زردتربوز کے منفرد، میٹھے اور رس بھرے ذائقے سے بھی لطف اندوز ہو سکتے ہیں
