کراچی ( نیوز لیب رپورٹ) پاکستان اسٹیل اب صرف تاریخ میں یاد رہے گی ،وفاقی حکومت اس کے وسیع رقبے پر اب ایکسپورٹ پروسیسنگ زون بنائے گی، یہ بات وفاقی سیکریٹری برائےصنعت و پیداوار سیف انجم نے ایف پی سی سی آئی میں ملکی ایکسپورٹ میں کمی پر اسٹیک ہولڈرز کے ساتھ مشاورتی اجلاس میں گفتگو کرتے ہوئے بتائی ،انھوں نے بتایا کہ پاکستان اسٹیل ملز کی زمین پر ایک وسیع ایکسپورٹ پروسیسنگ زون قائم اور فعال کیا جا رہا ہے؛ جس کا مقصد برآمدی صنعتوں کا فروغ اور سہولت کاری ہے۔ انہوں نے صنعت و تجارت سے اپیل کی کہ وہ ان مواقع سے بھرپور فائدہ اٹھائیں۔وفاقی سیکریٹری صنعت و پیداوار سیف انجم نےسیکریٹری کامرس جاوید پال کے ہمراہ ایک مشاورتی اجلاس میں شرکت کی ،اس اجلاس کی میزبانی ایف پی سی سی آئی کے صدر عاطف اکرام نے کی ۔ اجلاس کا مقصد پاکستان کی برآمدات میں اضافے اور قومی معیشت کو مستحکم بنانے کے لیے عملی حکمتِ عملی تیار کرنا تھا۔اجلاس میں ٹریڈ ڈویلپمنٹ اتھارٹی آف پاکستان کے اعلیٰ حکام اور مختلف تجارتی و صنعتی تنظیموں کے نمائندگان نے شرکت کی۔ صدر ایف پی سی سی آئی عاطف اکرام شیخ نے اجلاس میں گفتگو کرتے ہوئےکہا کہ برآمدات میں اضافہ پاکستان کے معاشی استحکام اور ترقی کے لیے بنیادی حیثیت رکھتا ہے، ایف پی سی سی آئی کا پختہ یقین ہے کہ پائیدار برآمدی ترقی صرف اسی صورت ممکن ہے کہ جب پالیسی سازوں اور کاروباری برادری کے درمیان قریبی تعاون ہوگا ۔ ان کا کہنا تھا کہ پاکستانی برآمدکنندگان باصلاحیت اور لچکدار ہیں، تاہم انہیں کاروبار کی بلند لاگت، توانائی کے مسائل، فنانسنگ تک محدود رسائی، نئی منڈیوں کی تلاش اور بین الاقوامی معیار پر پورا اترنے جیسے چیلنجز کا سامنا ہے۔صدر ایف پی سی سی آئی عاطف اکرام شیخ نے ویلیو ایڈڈ مینوفیکچرنگ، سروسز برآمدات، آئی ٹی اور زرعی بنیادوں پر قائم صنعتوں میں موجود وسیع مواقع کی نشاندہی بھی کی۔ صدر ایف پی سی سی آئی نے یہ امید ظاہر کی کہ یہ اجلاس زرمبادلہ کے ذخائر میں اضافے، روزگار کے مواقع پیدا کرنے اور پاکستان کو پائیدار ترقی کی راہ پر گامزن کرنے میں مددگار ثابت ہوگا۔ایف پی سی سی آئی کے سینئر نائب صدر ثاقب فیاض مگوں نے بتایا کہ اجلاس میں نجی شعبے کی بھرپور نمائندگی موجود تھی؛ٹیکسٹائل سیکٹر سے آل پاکستان ٹیکسٹائل ملز ایسوسی ایشن ، آل پاکستان ٹیکسٹائل پروسیسنگ ملز ایسوسی ایشن ، پاکستان ریڈی میڈ گارمنٹس مینوفیکچررز اینڈ ایکسپورٹرز ایسوسی ایشن اور ٹاول مینوفیکچررز ایسوسی ایشن کے نمائندے موجود تھےفروٹس اور سبزیوں کے شعبے کی نمائندگی پاکستان فروٹس اینڈ ویجیٹیبلز ایسوسی ایشن۔سیاحت و سفری خدمات کے شعبے کی نمائندگی
