کراچی ( نیوزلیب رپورٹ )پاکستان کی ایوی ایشن انڈسٹری میں ایک نئی نجی ایئرلائن کی جلد انٹری متوقع ،ایس آئی ایف سی نے کامیاب سہولت کاری کرتے ہوئےجیٹ گرین ایئرلائن آپریشن کی راہ ہموار کر دی ،3 کروڑ ڈالر کی سرمایہ کاری کے منصوبے جیٹ گرین ایئرلائن کے آپریشن میں حائل رکاوٹوں کو دور کردیا گیا۔پاکستان میںنئی ائیر لائن کے اضافے سے ہوا بازی شعبے میں مسابقت بڑھے گی،ذرائع کے مطابق ایئرلائن منصوبے کے لیے برسوں سے موجود ریگولیٹری رکاوٹیں دور کر دیں، جس سے پاکستان کے ہوا بازی کے شعبے میں نئی مسابقت اور روزگار کے مواقع پیدا ہونے کی توقع ہے۔ایس آئی ایف سی کے مطابق، کونسل نے متعلقہ اداروں کو ایک پلیٹ فارم پر لا کر برسوں پر محیط ریگولیٹری رکاوٹ کو دور کرنے میں کلیدی کردار ادا کیا، تاکہ فیصلہ سازی کے عمل کو ہموار بنایا جا سکے اور طریقہ کار میں موجود تاخیر ختم کی جا سکے۔اس سہولت کاری کے عمل میں متعدد ریگولیٹری تقاضے شامل تھے، جن میں ایوی ایشن لائسنسنگ، حفاظتی کلیئرنس، کمرشل آپریٹنگ اجازت نامے اور ایئرلائن سرٹیفکیشن شامل ہیں۔ حکام کے مطابق، مربوط حکمت عملی نے قومی فضائی معیارات پر عمل درآمد کو یقینی بنانے کے ساتھ ساتھ پراسیسنگ کے وقت میں نمایاں کمی بھی کی۔تمام اہم منظوریوں کی تکمیل کے بعد، جیٹ گرین اب دستاویزی مرحلے سے نکل کر آپریشنل تیاری کے مرحلے میں داخل ہو چکی ہے، جس سے پاکستان کی فضائی مارکیٹ میں ایک نئی نجی ایئرلائن کے داخلے کی راہ ہموار ہو گئی ہے
