کراچی ( نیوزلیب رپورٹ )کیپٹل مارکیٹ میں سرمایہ کاری آسان بنانے کے لیے ایس ای سی پی کا بڑا فیصلہ،کم رسک میوچل فنڈ اکاؤنٹس کی سرمایہ کاری حد بڑھا دی گئی،سہل اکاؤنٹس کی سرمایہ کاری حد 2 لاکھ سے بڑھا کر 10 لاکھ روپے جبکہ سہولت اکاؤنٹس کی سرمایہ کاری حد 8 لاکھ سے بڑھا کر 30 لاکھ روپے کر دی گئی ،اس سلسلے میں جمعرات کو ایس ای سی پی نے ریگولیٹری فریم ورک میں ترمیم کا سرکلر جاری کر دیا،ایس ای سی پی کے مطابق اس فیصلے کا مقصدچھوٹے سرمایہ کاروں کے لیے میوچل فنڈز میں سرمایہ کاری کو مزید آسان بنا نا ہے ۔سرکلر کے مطابق ایسٹ مینجمنٹ کمپنیوں میں فوری ڈیجیٹل اکاؤنٹ کھولنے کی سہولت فراہم کر دی گئی ہے۔ بینک یا مالیاتی اداروں کے موجودہ صارفین کے لیے کے وائی سی کی شرط بھی ختم کردی گئی۔ اب چھوٹے سرمایہ کاروں کو کے وائی سی دستاویزات جمع کرانے کی ضرورت نہیں رہے گی۔جدید بائیومیٹرک تصدیق کے ذریعے آن لائن اکاؤنٹ کھولنے کا عمل مزید آسان ہوگیا، کیپٹل مارکیٹ میں سرمایہ کاری آسان بنانے کے لیے ایس ای سی پی کی اصلاحات جاری ہے۔چیئرمین ایس ای سی پی ڈاکٹر کبیر سدھو کا کہنا ہے کہ پاکستان کی کیپٹل مارکیٹ میں سرمایہ کاروں کی تعداد 25 لاکھ تک بڑھانے کا ہدف ہے، اصلاحات کا مقصد زیادہ سے زیادہ لوگوں کو کیپٹل مارکیٹ میں شامل کرنا ہے، عوام کو سرمایہ کاری، منافع اور پاکستان کی معاشی ترقی کے ثمرات سے فائدہ ہوگا۔
