کراچی ( نیوز لیب رپورٹ)چاندی میں سرمایہ کاری سے ملکی تاریخ میں پہلی بار چاندی کی قیمت 10 ہزار روپے فی تولہ سے بڑھ گئی،آل پاکستان صرافہ جیم اینڈ جیولرز ایسوسی ایشن کی جاری کردہ رپورٹ کے مطابق جمعہ کو ورلڈ گولڈ مارکیٹ میں چاندی کی قیمت 3.72 ڈالر فی اونس کے اضافے سے 98 ڈالر فی اونس ہو گئی ہے جبکہ مقامی مارکیٹ میں چاندی کی قیمت 372 روپے کے اضافے سے 10 ہزار 275 روپے فی تولہ ہو گئی ہے جو کہ پاکستان میں چاندی کی بلند ترین قیمت ہے ،ایسوسی ایشن رپورٹ کے مطابق جمعہ کو عالمی مارکیٹ میں سونے کی قیمت 91 ڈالر فی اونس کے اضافے سے 4832 ڈالر سے بڑھ کر 4923 ڈالر کی بلند ترین سطح پر پہنچ گئی ہے،عالمی مارکیٹ میں اضافے کی وجہ سے پاکستان میں بھی سونے کی قیمت 9100 روپے فی تولہ کے اضافے سے 5 لاکھ 14 ہزار 662 روپے فی تولہ اور 10 گرام سونے کی قیمت 7802 روپے کے اضافے سے 4 لاکھ 41 ہزار 239 روپے ہو گئی ہے ، جو کہ پاکستان میں سونے کی سب سے زیادہ قیمت کا نیا ریکارڈ ہے
